«Ազգային ցանց» հիմնադրամը մեկնարկեց Regional Open Media (ReOpen) հեռարձակող ընկերությունը
Մայիսի 28-ին պաշտոնապես մեկնարկեց «Ազգային ցանց» հիմնադրամի նոր՝ Regional Open Media (ReOpen) հեռարձակող ընկերությունը։ ReOpen-ը նպատակ ունի տրամադրել բարձրորակ և բազմազան բովանդակություն՝ ներկայացնելով Հայաստանի մշակույթը, պատմությունը և ժամանակակից իրականությունը։
ReOpen Media-ի առաքելությունն է ստեղծել յուրահատուկ բովանդակություն, որը կարտացոլի Հայաստանի հարուստ ժառանգությունն ու ներկան, կներգրավի ինչպես տեղի, այնպես էլ սփյուռքի հայությանը՝ նպաստելով աշխարհում հայկական ձայնի ուժեղացմանը և Հայաստանի դիմակայունության բարձրացմանը։ Հարթակը կառաջարկի տեքստային վերլուծություններ, լրատվություն, կրթական հաղորդումներ, ֆիլմեր և ուղիղ հեռարձակումներ՝ հիմնվելով թափանցիկության, փաստերի ճշգրտության և աղմուկի մեջ կարևորի մատնանշման սկզբունքների վրա։
